अमेरिकाको टेक्सासमा कार दुर्घटना, एकको मृत्यु

अमेरिकाको टेक्सासमा कार दुर्घटना हुँदा ललितपुर बागडोलका २६ वर्षीय विपिन थापाको मृत्यु भएको छ । गत आइतबार विहान अन्दाजी सवा एक बजे टेक्सासस्थित अर्विङ नजिकै स्थानीय हाइवे १८३ र १६१ को इन्टरसेक्सन नजिकै कार दुर्घटना हुँदा थापाको मृत्यु भएको हो । विपिनसँगै यात्रा गरिरहेका अर्का एक युवा भने अवस्था सामान्य छ । पाटन बागडोल निबासी विपिन युनिभर्सिटी अफ टेक्सासमा स्नातकोत्तर अध्ययन गर्न ६ वर्षअघि अमेरिका पुगेका थिए । मृतकका बाबु भने केयर इन्टरनेशनल अन्तर्गत तान्जानियामा कार्यरत हुनुहुन्छ । मृतकका नातेदारका अनुसार विपिनले चलाइरहेको कारको सन्तुलन गुमाउँदा दुर्घटनामा परेको थाहा भएको छ । शवलाई नेपाल पठाउने तयारी भइरहेको टेक्सासबाट हाम्रा सहकर्मिले जानकारी दिनुभयो ।

>